Bhaktivedanta Library


7.5.1		śrī-nārada uvāca paurohityāya bhagavān vṛtaḥ kāvyaḥ kilāsuraiḥ ṣaṇḍāmarkau sutau tasya daitya-rāja-gṛhāntike
7.5.2		tau rājñā prāpitaṁ bālaṁ prahlādaṁ naya-kovidam pāṭhayām āsatuḥ pāṭhyān anyāṁś cāsura-bālakān
7.5.3		yat tatra guruṇā proktaṁ śuśruve ’nupapāṭha ca na sādhu manasā mene sva-parāsad-grahāśrayam
7.5.4		ekadāsura-rāṭ putram aṅkam āropya pāṇḍava papraccha kathyatāṁ vatsa manyate sādhu yad bhavān
7.5.5		śrī-prahlāda uvāca tat sādhu manye ’sura-varya dehināṁ sadā samudvigna-dhiyām asad-grahāt hitvātma-pātaṁ gṛham andha-kūpaṁ vanaṁ gato yad dharim āśrayeta
7.5.6		śrī-nārada uvāca śrutvā putra-giro daityaḥ para-pakṣa-samāhitāḥ jahāsa buddhir bālānāṁ bhidyate para-buddhibhiḥ
7.5.7		samyag vidhāryatāṁ bālo guru-gehe dvi-jātibhiḥ viṣṇu-pakṣaiḥ praticchannair na bhidyetāsya dhīr yathā
7.5.8		gṛham ānītam āhūya prahrādaṁ daitya-yājakāḥ praśasya ślakṣṇayā vācā samapṛcchanta sāmabhiḥ
7.5.9		vatsa prahrāda bhadraṁ te satyaṁ kathaya mā mṛṣā bālān ati kutas tubhyam eṣa buddhi-viparyayaḥ
7.5.10		buddhi-bhedaḥ para-kṛta utāho te svato ’bhavat bhaṇyatāṁ śrotu-kāmānāṁ gurūṇāṁ kula-nandana
7.5.11		śrī-prahrāda uvāca paraḥ svaś cety asad-grāhaḥ puṁsāṁ yan-māyayā kṛtaḥ vimohita-dhiyāṁ dṛṣṭas tasmai bhagavate namaḥ
7.5.12		sa yadānuvrataḥ puṁsāṁ paśu-buddhir vibhidyate anya eṣa tathānyo ’ham iti bheda-gatāsatī
7.5.13		sa eṣa ātmā sva-parety abuddhibhir duratyayānukramaṇo nirūpyate muhyanti yad-vartmani veda-vādino brahmādayo hy eṣa bhinatti me matim
7.5.14		yathā bhrāmyaty ayo brahman svayam ākarṣa-sannidhau tathā me bhidyate cetaś cakra-pāṇer yadṛcchayā
7.5.15		śrī-nārada uvāca etāvad brāhmaṇāyoktvā virarāma mahā-matiḥ taṁ sannibhartsya kupitaḥ sudīno rāja-sevakaḥ
7.5.16		ānīyatām are vetram asmākam ayaśaskaraḥ kulāṅgārasya durbuddheś caturtho ’syodito damaḥ
7.5.17		daiteya-candana-vane jāto ’yaṁ kaṇṭaka-drumaḥ yan-mūlonmūla-paraśor viṣṇor nālāyito ’rbhakaḥ
7.5.18		iti taṁ vividhopāyair bhīṣayaṁs tarjanādibhiḥ prahrādaṁ grāhayām āsa tri-vargasyopapādanam
7.5.19		tata enaṁ gurur jñātvā jñāta-jñeya-catuṣṭayam daityendraṁ darśayām āsa mātṛ-mṛṣṭam alaṅkṛtam
7.5.20		pādayoḥ patitaṁ bālaṁ pratinandyāśiṣāsuraḥ pariṣvajya ciraṁ dorbhyāṁ paramām āpa nirvṛtim
7.5.21		āropyāṅkam avaghrāya mūrdhany aśru-kalāmbubhiḥ āsiñcan vikasad-vaktram idam āha yudhiṣṭhira
7.5.22		hiraṇyakaśipur uvāca prahrādānūcyatāṁ tāta svadhītaṁ kiñcid uttamam kālenaitāvatāyuṣman yad aśikṣad guror bhavān
7.5.23-24		śrī-prahrāda uvāca śravaṇaṁ kīrtanaṁ viṣṇoḥ smaraṇaṁ pāda-sevanam arcanaṁ vandanaṁ dāsyaṁ sakhyam ātma-nivedanam iti puṁsārpitā viṣṇau bhaktiś cen nava-lakṣaṇā kriyeta bhagavaty addhā tan manye ’dhītam uttamam
7.5.25		niśamyaitat suta-vaco hiraṇyakaśipus tadā guru-putram uvācedaṁ ruṣā prasphuritādharaḥ
7.5.26		brahma-bandho kim etat te vipakṣaṁ śrayatāsatā asāraṁ grāhito bālo mām anādṛtya durmate
7.5.27		santi hy asādhavo loke durmaitrāś chadma-veṣiṇaḥ teṣām udety aghaṁ kāle rogaḥ pātakinām iva
7.5.28		śrī-guru-putra uvāca na mat-praṇītaṁ na para-praṇītaṁ suto vadaty eṣa tavendra-śatro naisargikīyaṁ matir asya rājan niyaccha manyuṁ kad adāḥ sma mā naḥ
7.5.29		śrī-nārada uvāca guruṇaivaṁ pratiprokto bhūya āhāsuraḥ sutam na ced guru-mukhīyaṁ te kuto ’bhadrāsatī matiḥ
7.5.30		śrī-prahrāda uvāca matir na kṛṣṇe parataḥ svato vā mitho ’bhipadyeta gṛha-vratānām adānta-gobhir viśatāṁ tamisraṁ punaḥ punaś carvita-carvaṇānām
7.5.31		na te viduḥ svārtha-gatiṁ hi viṣṇuṁ durāśayā ye bahir-artha-māninaḥ andhā yathāndhair upanīyamānās te ’pīśa-tantryām uru-dāmni baddhāḥ
7.5.32		naiṣāṁ matis tāvad urukramāṅghriṁ spṛśaty anarthāpagamo yad-arthaḥ mahīyasāṁ pāda-rajo-’bhiṣekaṁ niṣkiñcanānāṁ na vṛṇīta yāvat
7.5.33		ity uktvoparataṁ putraṁ hiraṇyakaśipū ruṣā andhīkṛtātmā svotsaṅgān nirasyata mahī-tale
7.5.34		āhāmarṣa-ruṣāviṣṭaḥ kaṣāyī-bhūta-locanaḥ vadhyatām āśv ayaṁ vadhyo niḥsārayata nairṛtāḥ
7.5.35		ayaṁ me bhrātṛ-hā so ’yaṁ hitvā svān suhṛdo ’dhamaḥ pitṛvya-hantuḥ pādau yo viṣṇor dāsavad arcati
7.5.36		viṣṇor vā sādhv asau kiṁ nu kariṣyaty asamañjasaḥ sauhṛdaṁ dustyajaṁ pitror ahād yaḥ pañca-hāyanaḥ
7.5.37		paro ’py apatyaṁ hita-kṛd yathauṣadhaṁ sva-dehajo ’py āmayavat suto ’hitaḥ chindyāt tad aṅgaṁ yad utātmano ’hitaṁ śeṣaṁ sukhaṁ jīvati yad-vivarjanāt
7.5.38		sarvair upāyair hantavyaḥ sambhoja-śayanāsanaiḥ suhṛl-liṅga-dharaḥ śatrur muner duṣṭam ivendriyam
7.5.39-40		nairṛtās te samādiṣṭā bhartrā vai śūla-pāṇayaḥ tigma-daṁṣṭra-karālāsyās tāmra-śmaśru-śiroruhāḥ nadanto bhairavaṁ nādaṁ chindhi bhindhīti vādinaḥ āsīnaṁ cāhanañ śūlaiḥ prahrādaṁ sarva-marmasu
7.5.41		pare brahmaṇy anirdeśye bhagavaty akhilātmani yuktātmany aphalā āsann apuṇyasyeva sat-kriyāḥ
7.5.42		prayāse ’pahate tasmin daityendraḥ pariśaṅkitaḥ cakāra tad-vadhopāyān nirbandhena yudhiṣṭhira
7.5.43-44		dig-gajair dandaśūkendrair abhicārāvapātanaiḥ māyābhiḥ sannirodhaiś ca gara-dānair abhojanaiḥ hima-vāyv-agni-salilaiḥ parvatākramaṇair api na śaśāka yadā hantum apāpam asuraḥ sutam cintāṁ dīrghatamāṁ prāptas tat-kartuṁ nābhyapadyata
7.5.45		eṣa me bahv-asādhūkto vadhopāyāś ca nirmitāḥ tais tair drohair asad-dharmair muktaḥ svenaiva tejasā
7.5.46		vartamāno ’vidūre vai bālo ’py ajaḍa-dhīr ayam na vismarati me ’nāryaṁ śunaḥ śepa iva prabhuḥ
7.5.47		aprameyānubhāvo ’yam akutaścid-bhayo ’maraḥ nūnam etad-virodhena mṛtyur me bhavitā na vā
7.5.48		iti tac-cintayā kiñcin mlāna-śriyam adho-mukham śaṇḍāmarkāv auśanasau vivikta iti hocatuḥ
7.5.49		jitaṁ tvayaikena jagat-trayaṁ bhruvor vijṛmbhaṇa-trasta-samasta-dhiṣṇyapam na tasya cintyaṁ tava nātha cakṣvahe na vai śiśūnāṁ guṇa-doṣayoḥ padam
7.5.50		imaṁ tu pāśair varuṇasya baddhvā nidhehi bhīto na palāyate yathā buddhiś ca puṁso vayasārya-sevayā yāvad gurur bhārgava āgamiṣyati
7.5.51		tatheti guru-putroktam anujñāyedam abravīt dharmo hy asyopadeṣṭavyo rājñāṁ yo gṛha-medhinām
7.5.52		dharmam arthaṁ ca kāmaṁ ca nitarāṁ cānupūrvaśaḥ prahrādāyocatū rājan praśritāvanatāya ca
7.5.53		yathā tri-vargaṁ gurubhir ātmane upaśikṣitam na sādhu mene tac-chikṣāṁ dvandvārāmopavarṇitām
7.5.54		yadācāryaḥ parāvṛtto gṛhamedhīya-karmasu vayasyair bālakais tatra sopahūtaḥ kṛta-kṣaṇaiḥ
7.5.55		atha tāñ ślakṣṇayā vācā pratyāhūya mahā-budhaḥ uvāca vidvāṁs tan-niṣṭhāṁ kṛpayā prahasann iva
7.5.56-57		te tu tad-gauravāt sarve tyakta-krīḍā-paricchadāḥ bālā adūṣita-dhiyo dvandvārāmeritehitaiḥ paryupāsata rājendra tan-nyasta-hṛdayekṣaṇāḥ tān āha karuṇo maitro mahā-bhāgavato ’suraḥ


Library Home-Inicio Śrīla Prabhupāda ISKCON Languages-Idiomas English Español Pусский Português English - Español English - Pусский English - Português Español - Pусский Español - Português Pусский - Português Authors-Autores Books-Libros Basics-Básicos Reference-Referenciales Essays-Ensayos Narrative by Ācaryas Narrativos de los Ācaryas Philosophical by Ācaryas Filosóficos de los Ācaryas By Śrīla Prabhupāda De Śrīla Prabhupāda The Great Classics Los grandes Clásicos About Śrīla Prabhupāda Sobre Śrīla Prabhupāda Narrative by Prabhupāda's Disciples Narrativos de discípulos de Śrīla Prabhupāda Philosophical by Prabhupāda's Disciples Filosóficos de discípulos de Śrīla Prabhupāda Magazines-Revistas Websites ISKCON Virtual Temple Templo Virtual de ISKCON Virtual Istagosthi Istagosthi Virtual Vaiṣṇava Calendar Calendário Vaiṣṇava Kṛṣṇa West