Bhaktivedanta Library


7.11.1		śrī-śuka uvāca śrutvehitaṁ sādhu sabhā-sabhājitaṁ mahattamāgraṇya urukramātmanaḥ yudhiṣṭhiro daitya-pater mudānvitaḥ papraccha bhūyas tanayaṁ svayambhuvaḥ
7.11.2		śrī-yudhiṣṭhira uvāca bhagavan śrotum icchāmi nṛṇāṁ dharmaṁ sanātanam varṇāśramācāra-yutaṁ yat pumān vindate param
7.11.3		bhavān prajāpateḥ sākṣād ātmajaḥ parameṣṭhinaḥ sutānāṁ sammato brahmaṁs tapo-yoga-samādhibhiḥ
7.11.4		nārāyaṇa-parā viprā dharmaṁ guhyaṁ paraṁ viduḥ karuṇāḥ sādhavaḥ śāntās tvad-vidhā na tathāpare
7.11.5		śrī-nārada uvāca natvā bhagavate ’jāya lokānāṁ dharma-setave vakṣye sanātanaṁ dharmaṁ nārāyaṇa-mukhāc chrutam
7.11.6		yo ’vatīryātmano ’ṁśena dākṣāyaṇyāṁ tu dharmataḥ lokānāṁ svastaye ’dhyāste tapo badarikāśrame
7.11.7		dharma-mūlaṁ hi bhagavān sarva-vedamayo hariḥ smṛtaṁ ca tad-vidāṁ rājan yena cātmā prasīdati
7.11.8-12		satyaṁ dayā tapaḥ śaucaṁ titikṣekṣā śamo damaḥ ahiṁsā brahmacaryaṁ ca tyāgaḥ svādhyāya ārjavam santoṣaḥ samadṛk-sevā grāmyehoparamaḥ śanaiḥ nṛṇāṁ viparyayehekṣā maunam ātma-vimarśanam annādyādeḥ saṁvibhāgo bhūtebhyaś ca yathārhataḥ teṣv ātma-devatā-buddhiḥ sutarāṁ nṛṣu pāṇḍava śravaṇaṁ kīrtanaṁ cāsya smaraṇaṁ mahatāṁ gateḥ sevejyāvanatir dāsyaṁ sakhyam ātma-samarpaṇam nṛṇām ayaṁ paro dharmaḥ sarveṣāṁ samudāhṛtaḥ triṁśal-lakṣaṇavān rājan sarvātmā yena tuṣyati
7.11.13		saṁskārā yatrāvicchinnāḥ sa dvijo ’jo jagāda yam ijyādhyayana-dānāni vihitāni dvijanmanām janma-karmāvadātānāṁ kriyāś cāśrama-coditāḥ
7.11.14		viprasyādhyayanādīni ṣaḍ-anyasyāpratigrahaḥ rājño vṛttiḥ prajā-goptur aviprād vā karādibhiḥ
7.11.15		vaiśyas tu vārtā-vṛttiḥ syān nityaṁ brahma-kulānugaḥ śūdrasya dvija-śuśrūṣā vṛttiś ca svāmino bhavet
7.11.16		vārtā vicitrā śālīna- yāyāvara-śiloñchanam vipra-vṛttiś caturdheyaṁ śreyasī cottarottarā
7.11.17		jaghanyo nottamāṁ vṛttim anāpadi bhajen naraḥ ṛte rājanyam āpatsu sarveṣām api sarvaśaḥ
7.11.18-20		ṛtāmṛtābhyāṁ jīveta mṛtena pramṛtena vā satyānṛtābhyām api vā na śva-vṛttyā kadācana ṛtam uñchaśilaṁ proktam amṛtaṁ yad ayācitam mṛtaṁ tu nitya-yācñā syāt pramṛtaṁ karṣaṇaṁ smṛtam satyānṛtaṁ ca vāṇijyaṁ śva-vṛttir nīca-sevanam varjayet tāṁ sadā vipro rājanyaś ca jugupsitām sarva-vedamayo vipraḥ sarva-devamayo nṛpaḥ
7.11.21		śamo damas tapaḥ śaucaṁ santoṣaḥ kṣāntir ārjavam jñānaṁ dayācyutātmatvaṁ satyaṁ ca brahma-lakṣaṇam
7.11.22		śauryaṁ vīryaṁ dhṛtis tejas tyāgaś cātmajayaḥ kṣamā brahmaṇyatā prasādaś ca satyaṁ ca kṣatra-lakṣaṇam
7.11.23		deva-gurv-acyute bhaktis tri-varga-paripoṣaṇam āstikyam udyamo nityaṁ naipuṇyaṁ vaiśya-lakṣaṇam
7.11.24		śūdrasya sannatiḥ śaucaṁ sevā svāminy amāyayā amantra-yajño hy asteyaṁ satyaṁ go-vipra-rakṣaṇam
7.11.25		strīṇāṁ ca pati-devānāṁ tac-chuśrūṣānukūlatā tad-bandhuṣv anuvṛttiś ca nityaṁ tad-vrata-dhāraṇam
7.11.26-27		sammārjanopalepābhyāṁ gṛha-maṇḍana-vartanaiḥ svayaṁ ca maṇḍitā nityaṁ parimṛṣṭa-paricchadā kāmair uccāvacaiḥ sādhvī praśrayeṇa damena ca vākyaiḥ satyaiḥ priyaiḥ premṇā kāle kāle bhajet patim
7.11.28		santuṣṭālolupā dakṣā dharma-jñā priya-satya-vāk apramattā śuciḥ snigdhā patiṁ tv apatitaṁ bhajet
7.11.29		yā patiṁ hari-bhāvena bhajet śrīr iva tat-parā hary-ātmanā harer loke patyā śrīr iva modate
7.11.30		vṛttiḥ saṅkara-jātīnāṁ tat-tat-kula-kṛtā bhavet acaurāṇām apāpānām antyajāntevasāyinām
7.11.31		prāyaḥ sva-bhāva-vihito nṛṇāṁ dharmo yuge yuge veda-dṛgbhiḥ smṛto rājan pretya ceha ca śarma-kṛt
7.11.32		vṛttyā sva-bhāva-kṛtayā vartamānaḥ sva-karma-kṛt hitvā sva-bhāva-jaṁ karma śanair nirguṇatām iyāt
7.11.33-34		upyamānaṁ muhuḥ kṣetraṁ svayaṁ nirvīryatām iyāt na kalpate punaḥ sūtyai uptaṁ bījaṁ ca naśyati evaṁ kāmāśayaṁ cittaṁ kāmānām atisevayā virajyeta yathā rājann agnivat kāma-bindubhiḥ
7.11.35		yasya yal lakṣaṇaṁ proktaṁ puṁso varṇābhivyañjakam yad anyatrāpi dṛśyeta tat tenaiva vinirdiśet


Library Home-Inicio Śrīla Prabhupāda ISKCON Languages-Idiomas English Español Pусский Português English - Español English - Pусский English - Português Español - Pусский Español - Português Pусский - Português Authors-Autores Books-Libros Basics-Básicos Reference-Referenciales Essays-Ensayos Narrative by Ācaryas Narrativos de los Ācaryas Philosophical by Ācaryas Filosóficos de los Ācaryas By Śrīla Prabhupāda De Śrīla Prabhupāda The Great Classics Los grandes Clásicos About Śrīla Prabhupāda Sobre Śrīla Prabhupāda Narrative by Prabhupāda's Disciples Narrativos de discípulos de Śrīla Prabhupāda Philosophical by Prabhupāda's Disciples Filosóficos de discípulos de Śrīla Prabhupāda Magazines-Revistas Websites ISKCON Virtual Temple Templo Virtual de ISKCON Virtual Istagosthi Istagosthi Virtual Vaiṣṇava Calendar Calendário Vaiṣṇava Kṛṣṇa West